By redaksia 
Burimi: X.com – @dejanirasilveir
Një video e publikuar nga një përdoruese e rrjetit social X ka tronditur opinionin publik, duke nxjerrë në dritë deklaratat e fuqishme të Drejtoreshës së Përgjithshme të Shëndetit Publik të SHBA-së, Casey Means.
Influencuesja dhe mjekja – e cila është emëruar në këtë post nga Presidenti Donald Trump – ngriti alarmin mbi atë që ajo e quajti “krim të heshtur ndaj shëndetit të amerikanëve”. Ajo denoncoi se ushqimet e përpunuara dhe pesticidet sintetike – shumë prej të cilave importohen nga Kina dhe Gjermania – po shkatërrojnë prej kohësh sistemin shëndetësor dhe trupin e njeriut në Amerikë.
Sipas saj, industria ushqimore dhe ajo farmaceutike janë bashkëfajtore, duke fshehur me qëllim dëmet afatgjata që këto substanca po shkaktojnë në shoqëri. “Po ushqehemi me helm dhe askush nuk po na paralajmëron”, u shpreh ajo në mënyrë të drejtpërdrejtë.
Shikoni videon e plotë më poshtë:
Rasti i GJERMANISË: Një paralajmërim i injoruar prej vitesh
Deklaratat e Casey Means nuk janë aspak të papritura për ata që kanë ndjekur zhvillimet e fundit në Europë. Edhe në Gjermani, janë zbuluar raste serioze ku ushqimet e konsumit të përditshëm përmbajnë pesticide të ndaluara, me pasoja të mundshme për shëndetin publik.
Në vitin 2025, rrjeti Penny tërhoqi nga tregu disa pako boronicash pasi analizat zbuluan praninë e Phosmet, një pesticid i ndaluar në Bashkimin Europian, që mund të shkaktojë probleme serioze me sistemin nervor.
Një raport i foodwatch zbuloi se 5.8% e produkteve ushqimore në Gjermani përmbanin pesticide të ndaluara, shumë prej të cilave vinin nga jashtë, kryesisht nga Kina dhe Amerika Latine, por edhe nga vendet brenda BE-së.
Po ashtu, skandali i madh i Fipronilit në vitin 2017, ku miliona vezë u ndotën me insekticid të ndaluar, u bë një nga alarmet më të mëdha për shëndetin e qytetarëve në Gjermani dhe më gjerë.
RASTET NUK JANË TË IZOLUARA – ËSHTË NJË STRATEGJI GLOBALE HESHTJEJE
Rasti i SHBA-së dhe ai i Gjermanisë tregojnë qartë një të vërtetë të madhe që shumë përpiqen ta fshehin: njerëzit po helmohen në heshtje përmes ushqimit të përpunuar dhe pesticideve të huaja, ndërsa kompanitë farmaceutike përfitojnë nga sëmundjet që vetë industria ushqimore po nxit.
Prandaj denoncimi i bërë nga Casey Means nuk është vetëm një alarm për Amerikën, por për gjithë Perëndimin. Heshtja e institucioneve nuk është rastësi – ajo është komplice në një krim të heshtur global.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.