By redaksia 
Stamboll – Një deklaratë e papritur dhe me peshë gjeopolitike erdhi sot nga Ministri i Jashtëm i Turqisë, Hakan Fidan, i cili tha se presidenti rus Vladimir Putin, presidenti amerikan Donald Trump, dhe presidenti ukrainas Volodymyr Zelensky mund të marrin pjesë në një pritje zyrtare që do të mbahet së shpejti në Stamboll.
Po punojmë për një takim të rëndësishëm diplomatik. Ka gjasa reale që z. Putin, z. Trump dhe z. Zelensky të jenë të pranishëm në të njëjtën ngjarje në Stamboll. Kjo nuk është thjesht pritje – është përpjekje për paqe dhe qetësim global,” – deklaroi Hakan Fidan për mediat turke.
Turqia po bëhet lider rajonal me aspirata ndërkombëtare
Turqia ka kohë që tenton të vendosë veten si ndërmjetëse e besueshme midis Lindjes dhe Perëndimit, veçanërisht në çështjen e luftës në Ukrainë dhe në tensionet mes Rusisë dhe NATO-s.
Ftesa për të pritur Putin, Trump dhe Zelensky në të njëjtin vend, ndonëse ende jo zyrtarizuar, është një sinjal i qartë i rolit të ri që synon Turqia në skenën globale.
Një ngjarje që mund të ndryshojë llogaritë gjeopolitike
Takimi i mundshëm vjen në një moment kritik:
Putin po forcon influencën e Rusisë në Euroazi,
Trump është edhe më i fortë dhe po korrë suksese nga Shtëpia e Bardhë si President,
Zelensky po përballet me presion të jashtëzakonshëm nga brenda dhe jashtë vendit për të gjetur një rrugëdalje nga lufta.
Nëse ky takim ndodh vërtet, do të jetë një ndër zhvillimet më të mëdha diplomatike të dekadës së fundit, dhe mund të hapë rrugën për një “pakt të ri global” jashtë skemës klasike të BE-së dhe NATO-s.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.