By redaksia 
Nga Redaksia
Në thellësi të politikës amerikane nuk është vota e qytetarit që përcakton drejtimin e vendit, por fuqia e parasë dhe lobimit të organizuar. Në krye të këtij rrjeti influencues qëndron AIPAC – Komiteti për Marrëdhënie Publike Amerikano-Izraelite – një strukturë që prej dekadash ka ndërtuar një perandori ndikimi mbi të gjithë klasën politike amerikane.
Kongresi dhe Senati nuk funksionojnë më si institucione përfaqësimi të interesave kombëtare amerikane. Ato janë kthyer në salla ku qëndrimi ndaj Izraelit është provë besnikërie, dhe çdo zë i pavarur përballet me pasojat. Shumica dërrmuese e senatorëve dhe kongresmenëve nuk guxojnë të kritikojnë politikat e Izraelit, pavarësisht shkeljeve të të drejtave të njeriut apo ndërhyrjeve të hapura në punët e vendeve të tjera. Jo se nuk duan, por sepse nuk munden. AIPAC dhe rrjeti i saj i donatorëve dhe PAC-eve është aty për të ndëshkuar çdo devijim nga “linja zyrtare”.
Më shumë se një grup lobimi, AIPAC është një strukturë politike paralele që kontrollon portat e hyrjes në skenën politike amerikane. Kush nuk kalon përmes filtrit të saj, nuk ka jetë të gjatë në politikë. Gjatë zgjedhjeve të fundit, kandidatë të Partisë Demokrate me prirje progresiste u sulmuan me miliona dollarë nga Super PAC-e të lidhura me AIPAC, vetëm pse kishin guxuar të kërkonin armëpushim në Gaza apo të kritikonin ndihmat ushtarake për Izraelin. Nuk ka asnjë strukturë tjetër në SHBA që arrin të vendosë me kaq efikasitet se kush zgjidhet dhe kush jo.
Kjo nuk është thjesht një çështje e brendshme amerikane. Kur vendimmarrja në Uashington ndikohet nga një axhendë e jashtme, pasojat ndihen në gjithë botën – edhe në Ballkan. Politikat e njëanshme, ndërhyrjet e Ambasadave, mbështetja ndaj qeverive të korruptuara – të gjitha këto nuk janë rastësore. Ato burojnë nga një sistem tërësisht i kapur, ku politika e jashtme nuk është më mjet për të mbrojtur interesat e SHBA-së, por për të imponuar një rend të ri global që i shërben një pakice me fuqi të jashtëzakonshme.
Në këtë realitet, zgjedhjet e qytetarëve amerikanë janë gjithnjë e më të pavlera. Zgjedhjet e bëra nga AIPAC dhe strukturat e saj të kontrollit peshojnë më shumë sesa miliona vota. Prandaj, nuk ka rëndësi nëse në Shtëpinë e Bardhë është një republikan apo demokrat – për aq kohë sa Kongresi dhe Senati mbeten nën ndikimin e kësaj strukture, politika e jashtme e SHBA-së do të vazhdojë të jetë peng i një axhende që nuk buron nga populli amerikan, por nga tavolinat e fshehta të lobimit.
Rikthimi i një administrate më sovraniste në SHBA mund të krijojë hapësira të reja, por për aq kohë sa AIPAC dikton se çfarë quhet “patriotizëm” në Washington, çdo ndryshim do të jetë i pjesshëm. Lufta e vërtetë nuk është midis partive – por midis një populli të manipuluar dhe një strukture që vepron pa përgjegjësi, jashtë çdo kontrolli demokratik.
Informacion për lexuesit tanë:
AIPAC (American Israel Public Affairs Committee) është një nga grupet më të fuqishme të lobimit në SHBA. Qëllimi i saj është të sigurojë që politika amerikane të mbështesë gjithmonë Izraelin, pa kushte.
🔹 U themelua në vitin 1951
🔹 Nuk është një organizatë qeveritare, por vepron me ndikim të madh në politikë
🔹 Financon dhe ndikon në fushatat elektorale për të mbështetur kandidatët pro-Izraelit
🔹 Bën presion të vazhdueshëm mbi Kongresin dhe Senatin që të miratojnë ndihma për Izraelin dhe të shmangin çdo kritikë ndaj politikave të tij
AIPAC nuk vepron drejtpërdrejt si parti apo qeveri, por ka fuqi të madhe për të ndëshkuar politikisht këdo që del kundër Izraelit në SHBA.
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, shpërndarja apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.